Mar 17

Сапалы зерттеулер мен мейіргер ісін дамытуға арналған жобалардың тәжірибелік материалдарын пилоттау

Мастер-класс октябрь статья1 Мастер-класс октябрь статья2 Мастер-класс октябрь статья3 Мастер-класс октябрь статья4

2019 жылдың 7-11 қазан аралығында Нұр-Сұлтан қаласында Назарбаев университетінің медицина мектебінде, Қарағанды медицина университеті мен JAMK (Финляндия) қолданбалы ғылымдар университетінің ұйымдастыруымен «Сапалы зерттеулер мен мейіргер ісін дамытуға арналған жобалардың тәжірибелік материалдарын пилоттау» тақырыбында қарқынды шеберлік классы өтті.

Мастер-класс ProInCa жобасының аясында ұйымдастырылды. Мастер-класс барысында мейіргер ісі саласындағы қолданбалы және академиялық бакалаврлар мен магистранттарға арналған материалдар сыналды, сонымен қатар дайындалған оқу материалдарын жетілдіру бойынша ұсыныстар жиналды.

Мастер-классқа медициналық жоғары оқу орындарының, жоғары медициналық колледждердің, колледждердің оқытушылары, сонымен қатар академиялық іс бойынша мамандар қатысты. Қарағанды медицина университетін: академиялық жұмыс департаментінің директоры А.Б. Ташетова, мейіргер ісі кафедрасының оқытушысы И.Б. Меерманова, «Қоғамдық денсаулық сақтау» мамандығының магистранты Ж.М. Қуаныш таныстырды.

Еуропалық серіктестердің ұйымдастырушылары мен үйлестірушілері: Йоханна Хейккиля, PhD, ProInCa жобасының аға кеңесшісі, денсаулық сақтау және әлеуметтік зерттеулер мектебі JAMK қолданбалы ғылымдар университеті, Ханна Хопия, PhD, аға оқытушы JAMK қолданбалы ғылымдар университеті, Альберта Т. (Бетти) Остерхофф, PhD, оқытушы және зерттеуші, мәдени антропология және денсаулық, медициналық зерттеулео мектебі, Hanze қолданбалы ғылымдар университеті, Гронинген (Нидерланды).

Mar 06

SPRING жобасын Preventive Monitoring

WhatsApp Image 2020-03-04 at 09.06.20 (3)

3 наурыз 2020 жылы Асфендияров атындағы ҚазҰМУ базасында ППВО Эразмус+ SPRING бойынша «Медициналық Білім берудегі сараптамалық бағалаудың құралдары мен мақсаттарын анықтау» Preventive Monitoring жобасын өткізді. Жобаның ұйымдастырушысы Елена Михайловна және жобаның зерттеушісі Шолпан Сабатайқызы Қалиева «Қарағанды медицина университеті» АЕҚ атынан жобаның Қазақстандық серіктестерінің есебі аясында алғашқы нәтижелерді таныстырды. Эразмус+ бағдарламасының Ұлттық офисінің директоры Шайзада Өмірзаққызымен кездесу жобаны іске асыру әдістемесінің маңызды аспектілерін түсіндірді. Жобаның мақсаттары мен басымдықтарына, жоспарланған іс- шараларға шолу жүргізілді, сондай-ақ мүмкін болатын іркілістер мен қиындықтардың алдын алу үшін бағалы ұсыныстар алынды.

мая 30

Мейіргер ісінің инновациялық әлеуеті туралы

СД Нур-Султан 1 СД Нур-Султан 2 СД Нур-Султан 4 СД Нур-Султан23-24 мамырда Назарбаев Университетінің медицина мектебінде «ProInCa – Денсаулық сақтау саласындағы реформа аясында мейіргер ісі саласындағы жоғары білімнің инновациялық әлеуетін дамыту» жобасының шеңберінде «Институционалдық ынтымақтастықты нығайту арқылы Қазақстандағы мейіргер ісін дамыту» тақырыбында халықаралық конференция өтті. Конференцияға жүзден астам университеттердің, жоғары медициналық колледждер, колледждер өкілдері қатысты. Сондай-ақ, ДСДРО, Денсаулық сақтау министрлігі, халықаралық мейірбике ассоциациялары және шетелдік Финляндия, Нидерланды және Словенияның жоба серіктестері қатысты.

Қарағанды медицина университетінен, жобаның жұмыс пакеті мүшелері, ректордың кеңесшісі В. Б. Молотов-Лучанский, мейіргер ісі кафедрасының оқытушысы И.Б. Меерманова, қоғамдық денсаулық сақтау мамандығының докторанты А.Р. Айтмағамбетов, қоғамдық денсаулық сақтау магистранты Ж.М. Қуаныш қатысты.

Конференцияда медицина саласындағы қазақстандық жоғары оқу орындарының мейіргер ісі саласындағы инновациялық әлеуетін дамыту, халықаралық мейірбике ассоциацияларының мейіргер ісін дамытудағы тәжірибелері, мейіргер ісі саласындағы зерттеулердегі, дәлелді мейірбике ісіндегі халықаралық озық тәжірибелер тақырыптары ұсынылды.

 

Ж.М. Қуаныш «Қоғамдық денсаулық сақтау»

мамандығының магистранты

Apr 15

Мейіргер ісі саласындағы зерттеулер мен жобалар

2019 жылдың 1 сәуірі мен 5 сәуірі аралығында ProInCa жобасының аясында Назарбаев Университетінің медицина мектебінде «Сапалы зерттеулер және мейіргер ісі саласындағы жобаларды дамыту» тақырыбында мастер-класс өткізілді. Семинарды Қарағанды медицина университеті (Қазақстан) және JAMK қолданбалы ғылымдар университеті (Финляндия) ұйымдастырды.

Іс-шараның мақсаты – Қазақстандағы медициналық мекемелердің мейіргер ісі және медициналық ЖОО мен колледждердің профессорлық-оқытушылық құрамының бірлескен әлеуетін құру. Мастер-класс ашу салтанаты Назарбаев Университетінің Ғылым және білім департаментінің директоры Сыздыкова Алма Алибековна және Қарағанды медицина университетінің стратегиялық даму, ғылым және халықаралық ынтымақтастық жөніндегі проректоры Тұрмұхамбетова Анар Ақылбекқызының қолдауымен өткізілді.

Мастер-класс шеңберінде келесі пәндер бойынша ұлттық білім беру материалдарының жобасы жасалды: 1) мейіргер ісі саласындағы сапалы зерттеулер және 2) мейіргер ісі саласындағы жобаларды дамыту. Материалдар колледждерде және жоғары оқу орындарында академиялық және қолданбалы бакалавриат және магистратура бағдарламаларында қолданылатын болады.

Мастер-класқа Қазақстанның медициналық колледждері мен жоғары оқу орындарының оқытушылары қатысты. ҚМУ-ін келесі топ таныстырдыі: мейіргер ісі кафедрасының оқытушысы И.Б. Меерманова, қоғамдық денсаулық сақтау кафедрасының оқытушысы А.Р. Айтмағамбетов, «қоғамдық денсаулық сақтау» мамандығының магистранты Ж.М. Қуаныш.

Үйлестірушілер ретінде Финляндиялық JAMK қолданбалы ғылымдар университетінен қонақтар болды: Йоханна Хейккиля, PhD, ProInCa жобасының аға кеңесшісі, денсаулық сақтау және әлеуметтік зерттеулер мектебі, Ханна Хопия, PhD, аға оқытушы, Туйя Ринкинен, D.H.Sc (Health Sciences), аға оқытушы, Альберта Т. (Бетти) Остерхофф, PhD, оқытушы және зерттеуші, мәдени антропология және денсаулық, медициналық зерттеулео мектебі, Hanze қолданбалы ғылымдар университеті, Гронинген (Нидерланды).

ProInCa туралы көбірек білу үшін http://Proinca-nursing.kz және әлеуметтік желілерде бізбен болыңыздар.

Мастер-класс 1 Мастер-класс 3 Мастер-класс

Nov 20

Мастер-класс «Дәлелді мейірбикелік тәжірибе сапасы мен тиімділігі» Любляна қ., Словенияд

11.11.2018ж. бастап 18.10.2012 ж. кезеңінде ProInCa “Promoting the Innovation Capacity of Higher Education in Nursing during Health Services’ Transition” жоба аясында Любляна қ., Словенияда мастер-класс өтті. Мастер-класс аясында біздің университетімізде мейіргер ісі кафедрасының оқытушысы И.Б. Меерманова және «Мейіргер ісі» мамандығы бойынша магистратураның 2 курс студенті Р.Р. Айтмағамбетов.

ProInCa жобасының әріптестері мен серіктестері үшін мастер-класс ұйымдастырылды. Іс-шараның мақсаты – озық тәжірибелерді, әдебиеттердің нәтижелерін, сарапшылар мен бару орындарын зерттеу және осы ақпаратты Қазақстандағы дәлелді мейірбике тәжірибесіндегі оқытуда оқу материалдарын одан әрі дамыту үшін пайдалану. Мастер-класс қарқынды сабақтарды, презентацияларды, семинарларды, Анжелы Бошкин (Angela Boskin Faculty of Health Care (ABFHC)) атындағы денсаулық сақтау факультетіне барған және Есенице қаласында балалар ауруханасына барған.

Дәлелді мейірбике тәжірибесі бойынша қарқынды дәрістерді Финляндия, Нидерланды және Словенияның бірнеше ЕС сарапшылары жүргізді. Қатысушылар ретінде тәжірибеде мұғалімдер мен клиникалық орта арасындағы өзара іс-қимылды көрдім және дәлелді мейірбике ісі бойынша ұлттық оқу-әдістемелік материалдардың дайындалған жобаларын жетілдіру бойынша семинарларға қатысты.

Іс-шараның идеясы Қазақстандағы дәлелді мейірбике тәжірибесін үйрететін барлық қызметкерлердің әлеуетін арттыру болды. Мастер-класс қызметі арқылы еуропалық озық тәжірибелер мен бірлескен даму үдерісіне негізделген ұлттық оқу-әдістемелік материалдардың негіздері әзірленді.

Мастер-класстың нәтижелері:

  • Дəлелді медицина ісі бойынша ұлттық əдістемелік материалдардың жобасы (дəлелді медицина тәжірибесінің негізі, әдістері, жақсы мысалдары, дәлелдемелерді бағалау)
  • Ұлттық оқу материалдарының жаңартылған нұсқасы бес күндік мастер-класта талқылауға сәйкес дайындалды
  • Түпкілікті оқу материалдарын анықтау бойынша әрі қарай жұмыс жасаудың негізі

 

И.Б. Меерманова

Мейіргер ісі кафедрасының оқытушысы

Oct 30

ҚММУ-нің Эразмус+ ЖББӘА жобалары нәтижелерінің көрмесіндегі жеңістері

2018 жылдың 25 қазанында Л.Н. Гумилев атындағы Еуразия ұлттық университетінде Қазақстан жоо-ның, ұлттық органдарының, ЕО-қа мүше елдердің елшіліктері мен басқа да қызығушылық танытқан ұйымдар өкілдерінің қатысуымен Эразмус+ бағдарламасының жоғары білім беру әлеуетін арттыру бойынша жобалары  нәтижелерінің көрмесі және бағдарламаның Қазақстандағы Ақпараттық күні болып өткен болатын. Эразмус+ бағдарламасы Ұлттық Кеңсесінің Еуропалық Одақтың Қазақстандағы Өкілеттігімен және білім және ғылым министрлігімен бірлесе ұйымдастырған іс-шараға Еуропалық Одақтың Қазақстандағы Өкілеттігінің басшысы Свен-Олов Карлссон мырза мен Қазақстан Республикасының білім және ғылым вице-министрі Асхат Аймағамбетов мырза қатысты.

 5

ҚММУ серіктес жоо-мен бірлесе отырып, 5 жобаны ұсынды, оның ішінде 4 жоба жүлделі орындарға ие болды: WELCOME және ProInCa – 1 орын, TAME – 2 орын, TUTORIAL – 3 орын.  TRUNAK жобасының тобы тиімділік пен кәсібилік куәлігімен марапатталды.

3
ҚММУ мен жобалардың барлық қатысушыларын құттықтаймыз!

 

мая 18

«CASEU – Орталық Азия және Еуропа университеттері» Erasmus Mundus жобасы бойынша қорытынды кездесу

фотка

2018 жылдың 9-11 мамыр аралығында Порто университетінің (Порту қ., Португалия) базасында «CASEU – Орталық Азия және Еуропа университеттері» Erasmus Mundus жобасының қорытынды кездесуі өтті. Кездесуге Қарағанды мемлекеттік медицина университетінің, Әл-Фараби атындағы Қазақ ұлттық университетінің (Қазақстан), Самарқанд ауыл шаруашылық институтының (Өзбекстан), Ургенч мемлекеттік университетінің (Өзбекстан), Барселона университетінің (Испания), Пуатье университетінің (Франция), Қасиетті Радбод Утрехтский атындағы Неймеген университетінің (Нидерланд), Валенсия политехникалық университетінің (Испания) өкілдері қатысты.

9f4e78b2-5fc6-4c21-b2a6-2492d174f10e

Қарағанды мемлекеттік медицина университеті жобаға 2014 жылы қосылды. Грантқа өтініш беруші және CASEU жобасының үйлестірушісі – Барселона университеті (Испания) болып табылады.

Аталған жобаның шеңберінде Еуропа елдерінің серіктес университеттерінен  магистранттардың, докторанттардың, сондай-ақ әкімшілік және ғылыми қызметкерлерінің  Орталық Азияның серіктес жоо-на академиялық ұтқырлығы жүзеге асырылды.

Кездесудің бірінші күні барлық жоо-ның өкілдері жобаның аясында атқарылған жұмыстары туралы баяндама жасады. CASEU үйлестіруші тобы білім беру, мәдениет және аудиокөрінбелі құралдар бойынша атқарушы агенттіктің (EACEA) үшінші есебінің нәтижелерін ұсынды.

фото

Біздің университет Пуатье университетінің профессорлары – Поль Сеит және Бриджит Ванниердің сапары туралы баяндама жасады. Профессорлар CASEU жобасының аясында біздің университетке екі рет: 2017 жылдың 20 қарашасынан 4 желтоқсанына дейін және 2018 жылдың сәуірінде келген болатын.

ҚММУ-да болу кезінде профессорлар тарапынан дәрістер мен практикалық сабақтар, әртүрлі тақырып бойынша мастер-класстар, ҚММУ-дің оқытушыларымен бірге дөңгелек үстелдер мен пікірталастар, студенттерге зертханалық сабақтар өткізілді. Пуатье университеті профессорларының жұмысының маңызды нәтижелерінің бірі – биология бағытындағы кафедраларынан 5 профессорлық-оқытушылық құрамы мен «Биология» мамандығының магистратураның 3 студенті үшін Пуатье университетінде ғылыми тағылымдама ұйымдастыруы болды.

Екінші күн іріктеу мен мойындау мәселелерін талқылауға арналды, Executive & Quality group және Communication and promotion group тақырыбындағы мастер-кластар өткізілді. Топтардағы жұмыс қорытындысы бойынша қорытынды есептеме дайындалды, CASEU жобасын таратуға арналған флайерлер мен брошюралар бекітілді.

Сондай-ақ, сапар барысында Қарағанды мемлекеттік медицина университеті мен Порто университетінің қоғамдық денсаулық сақтау мектебінің өкілдері арасында кездесу өтті, онда академиялық ұтқырлық және әлеуетті бірлескен ғылыми зерттеулер шеңберінде одан әрі ынтымақтастық мәселелері талқыланды.

 

Apr 06

Эразмус Мундус «CASEU» жобасы аясында Пуатье (Франция) Университетінің профессорлары Поль Сеит және Бриджит Ванниермен өткізілген «Эпигенетика» тақырыбындағы мастер-класс

2018 жылдың 27 наурызбен 5 сәуір аралығында «CentralAsianandEuropeanUniversities» (CASEU) жоба шеңберінде Қарағанды мемлекеттік медицина университетінің Биология кафедрасында Пуатье (Франция) Университетінің профессорлары Поль Сеит және Бриджит Ванниермен ағылшын тілінде «Эпигенетика» тақырыбында мастер-класс өткізді.

Мастер – класстың тақырыбы эпигенетика түсінігі және оның адам үшін мәні, қазіргі уақытта эпигенетика қандай роль ойнайтындығы туралы болды.

Осы уақыт аралығында Пуатье (Франция) Университетінің профессорлары Поль Сеит және Бриджит Ванниер эпигенетиканың негізгі концепциялары, геномдардың ұйымдасуы, гистондық модификация және хроматиндердің ремоделирленуі, дәрі-дәрмек  терапиясы және персонализациясы тақырыбындағы презентациялар ұсынды, осыған аудитория белсенді түрде қатысты және талқылады.

Пуатье (Франция) Университетінің профессорлары Поль Сеит пен Бриджит Ванниер және университет оқытушыларымен бірлесе отырып, биология кафедрасы және ұжымдық пайдалану зертханасында адамның жасушалық тізбегіндегі  MycN анықтау үшін ПТР – зерттеу жүргізді. Жұмыс барысында жұмыстың өткізу механизмінің мәселелері және техникалық талдауы талқыланды.

Сондай-ақ, жоғары Импакт факторы бар журналдарға жариялымдарға, мақалалар мен оқылуға аса назар аударды.

«Эпигенетика бұл біздің геномымызға тұтастай жауапты екенімізді дәлелдейді.  Бұрын біз ойладық тек гендер біздің кім екенімізді болжайды деп. Бүгін біз анық білеміз: барлық біз істеп жүрген нәрсе, біздің жеп, ішіп жүргеніміз, біздің өмір сүру салтымыз біздің гендердің белсенділігіне және гендердің болашақ генерациясына әсер етеді.

Эпигенетика бізге еркін таңдаудың жаңа концепциясын ұсынады»

Рэнди Джиртл

Мастер-класс биология кафедрасы мен халықаралық ұйымдасу және стратегиялық

жоспарлау бөлімімен бірге ұйымдастырылды.

Nov 20

Пуатье университетінің (Франция) профессорлары Поль Сеит және Бриджит Ванниердің Қарағанды мемлекеттік медицина университетіне “CASEU – Central ASian and European Universities” жобасының аясында келуі

2017 жылдың қараша айының 20 мен желтоқсан айының 4 аралығында “CASEU – Central ASian and European Universities” жобасы аясында академиялық ұтқырлық бағдарламасы бойынша Қарағанды мемлекеттік медицина университетіне Пуатье университетінен (Франция) профессорлар Поль Сеит пен Бриджит Ванниер келген болатын.

jhghjsd[p

ҚММУ-де болған кезде, Пуатье университетінің профессорлары Поль Сеит пен Бриджит Ванниер ханымдар Қарағанды мемлекеттік медицина университетінің оқытушылары мен студенттеріне «Молекулярлық клондау» мен «Биоинформатика» тақырыптары бойынша лекциялар оқып, «Клондауға арнаған биоинформатикалық құрал-саймандар» тақырыбында практикалық сабақ өткізді.

Сонымен қатар, биологиялық бағыттағы кафедралармен (Биология кафедрасы, Микробиология кафедрасы, Биологиялық химия кафедрасы, Медициналық биофизика және информатика кафедрасы, Химия және фармацевтикалық пәндер  кафедрасы) ғылыми зерттеуде менторлық жасау бойынша кездесу өткізілді.

jgitgh

Профессорларға республикамыздағы алдыңғы қатарлы ғылыми орталықтардың бірі болып саналатын Қарағандыдағы «Фитохимия» халықаралық ғылыми-өндірістік холдингіне танысу экскурсиясы ұйымдастырылды.

Oct 31

ҚММУ-нің Европалық Одақ жобаларының көрмесінде Европа күнін тойлау аясындағы қатысуы

2017 жылдың 31 мамырында Қарағанды мемлекеттік медициналық университеті Астана қаласында өткен Европалық Одақ жобаларының Көрмесіне қатысты.

Аталған Көрме Европалық Одақтың Қазақстан Республикасындағы Өкілдігі тарапынан ұйымдастырылды. Европалық Одақтың Қазақстандағы Өкілдігі 1999 жылдан бері бұл оқиғаны жыл сайын көптеген мәселелердің шеңберінде, соның ішінде мәдени және білім сұрақтарына арналған іс-шаралардың кешенін өткізу арқылы тойлайды.

Көрменің негізгі идеясы қазақстандық және шетелдік әлеуметті Европалық Одақ тарапынан қаржыландырылатын жобалармен таныстыру болып табылады.

ЕО жобаларында қатысушылар арасынан Көрмеде келесі ЖОО-ы таныстырылды:

  • С. Асфендияров атындағы Қазақ Ұлттық Медициналық Университеті;
  • Л. Н. Гумилев атындағы Евразиялық Ұлттық Университеті;
  • Әл-Фараби атындағы Қазақ Ұлттық Университеті;
  • С. Сейфуллин атындағы Қазақ Агротехникалық Университеті;
  • «Астана Медициналық Университеті»;
  • Ш. Уәлиханов атындағы Көкшетау Мемлекеттік Университеті;
  • М. Дулатов атындағы Қостанай Инженерлік-Экономикалық Университеті;
  • КИМЭП Университеті;
  • Абай Мырзахметов атындағы Көкшетау Университеті.
  • 20170531_162809

Европалық Одақ жобаларының Kөрмесі ЕО-тың Қазақстандағы өкілеттігінің Басшысы, ЕО-тың ҚР-ғы Елшісі – Траян Лауренцю Христеаның құттықтау сөзімен ашылды.

Көрме барысында қонақтарға әр жоба бойынша таныстырылымдық мәліметтер ұсынылды.

Көрменің соңына қарай барлық қатысушылар мен қонақтар мерекелік концертке шақырылды.

ҚММУ тарапынан ұсынылған жобалардың қатарында (TAME, PEOPLE, TUTORIAL) WELCOME – «Жаңа халықаралық университеттер қауымдастықтарын қарсы алу» жобасы да бірге ұсынылды. Аталған жобаның негізгі мақсаты – Қазақстан мен Қытай жоо-ның қызметінің халықаралық бағыттарын шетелдік студенттер, оқытушылар мен зерттеушілерін жұмылдыру үшін стратегиялық және маркетингтік әдістемелерін енгізу арқылы нығайту болып табылады. Жобалардың міндеттері болып:

-университеттердің интернационализациялануын зерттеу;

-қазақстандық және қытайлық университеттердің интернационализациялау бойынша порталын жасап шығару;

– интернационализациялау бойынша Стратегиялық және Маркетингтік жоспарларын институционалдық деңгейде жасап шығару және енгізу;

-университеттерде халықаралық ынтымақтастықтың қызмет көрсетуге бағытталған кеңселерін ашу.

Жобаның ұзақтығы 3 жылға негізделген – 2016 жылдан 2019 жылға дейін.

20170531_170118 (1)

Жобаның серіктестері:

  1. Каталония Политехникалық университеті (Испания)
  2. Королдік технологиялық институты (Швеция)
  3. Таллин техникалық университеті (Эстония)
  4. Лиссабонуниверситеті (Португалия)
  5. Ровира және Вирхилийуниверситеті (Испания)
  6. Перпиньян – Виа Домитьауниверситеті (Франция)
  7. Л.Н. Гумилева атындағы Евразия ұлттық университеті (Қазақстан)
  8. Нархозуниверситеті (Қазақстан)
  9. Қарағанды мемлекеттік медицина университеті (Қазақстан)
  10. Қазақ экономика, қаржы және халықаралық сауда университеті (Қазақстан)
  11. Бэйхан университеті (Қытай)
  12. ТунцзиУниверситеті (Қытай)

Older posts «